Skalamenn heilsa upp á áskoðararnar áðrenn dysturin byrjar...

 

 

Og sjálvandi skuldu teir eisini heilsa upp á móstøðuliðið og dómararnar.

 

 

So er bara lutakastið eftir áðrenn dysturin byrjar...

 

 

Aftur í ár komu áskoðararnir trúfastir út á Svangaskarð at stuðla

   sínum liði. Henda dagin vóru 520 gjaldandi áskoðarar og í alt vóru 739

fólk og hugdu at dystinum...

 

Tíverri gingu bara tríggir minuttir áðrenn Marius Johnsen skallaði bóltin

í netið eftir horna. Spell, tí tað var tað ringasta sum hugsast kundi,

men okkara menn eiga tað rós, at teir fullu ikki í fátt...

 

 

Tað var einki at siga til, at Start-leikararnir fegnast um málið. Eins og

Skála gjørdist Start nummar tvey í fjør, og liðini líkjast eisini á tann hátt,

at tað gongur als ikki so væl í hond í ár.

 

Fyrsta løtan var strævin hjá okkara monnum, tí Start legði fyri sum

eitt ódnarveður. Her bjargar Vlada einari atsókn...

 

Tað var nú ikki bara Start sum søkti at, tí Skála royndi eisini at halda

seg fram at, sum t.d. í hesum førinum, tá verjan mátti rudda burtur.